Air—“Were I obliged to beg.” 1805.
WHAN gloamin treads the heels o day,
An birds sit courin on the spray,
Alang the flow'ry hedge I stray,
Tae meet mine ain dear somebody.
The scented brier, the fragrant bean,
The clover bloom, the dewy green,
A charm me, as I rove at e'en,
Tae meet mine ain dear somebody.
Let warriors prize the hero's name,
Let mad ambition tow'r for fame,
I'm happier in my lowly hame,
Obscurely blest wi somebody.
This song first appeared in 1805 in Mayer's Selector, Vol. I., page 194,—the first with the signature “MODESTUS.” See Note, No. 5. Second in the Nightingale in 1806, page 209. See Notes, No. 13.—Ed.
[Semple 119]