Set to Music by Mr. John Ross, Organist, Aberdeen.
WE'LL meet beside the dusky glen, on yon burn side,
Whar the bushes form a cozie den, on yon burn side,
Tho the brumy knowes be green,
Yet; there we may be seen,
But we'll meet—we'll meet at e'en, doun by yon burn side.
I'll lead thee to the birken bow'r, on yon burn side,
Saesweetly wove wi woodbine flow'r, on yon burn side,
There the busy prying eye,
Ne'er disturbs the lovers' joy,
While in ithers' arms they lie, doun by yon burn side.
Awa ye rude unfeeling crew, frae yon burn side,
Those fairy scenes are no for you, by yon burn side,—
There Fancy smooths her theme,
By the sweetly murm'ring stream,
An the rock lodg'd echoes skim, doun by yon burn side.
Noo the plantin taps are ting'd wi goud, on yon burn side,
And gloamin draws her fuggy shroud o'er yon burn side,
Far frae the noisy scene,
I'll thro the fiel's alane,
There we'll meet—My ain dear Jean! doun by yon burn side.
[Semple 84]