SONGS

HEY, DONALD ! HOW, DONALD!

THO simmer smiles on bank an brae,
An Nature bids the heart be gay,
Yet a the joys o flowery May
Wi pleasure ne'er can move me.
Hey, Donald ! how, Donald !
Think upon your vow, Donald ;
Mind the heathery knowe, Donald,
Whar ye vowed tae loe me.


Addition to the above fragment by William Motherwell :

“The buddin rose and scentit brier,
The siller fountain skinklin clear,
The merry lav'rock whistlin near,
Wi pleasure ne'er can move me.
Hey Donald ! how, Donald !
Think upon your vow, Donald !
Mind the heathery knowe, Donald,
Whar ye vowed tae loe me.

“I douna luik on bank or brae,
I douna greet whar a are gay,
But oh ! my heart will break wi wae,
Gin Donald cease tae loe me.
Hey, Donald ! how, Donald !
Think upon your vow, Donald !
Mind the heathery knowe, Donald,
Whar ye vowed tae loe me.

Note by Ramsay.—“These two supplemental stanzas were written by Motherwell about the year 1820, at the request of Smith, who was fond of the air, which he took down from the voice of a country girl in Arran. Smith afterwards inserted the whole song, as now given, in the second volume of his Scotish Minstrel.

In examining the Scotish Minstrel, Vol. II., page 78, we find Mr. R. A. Smith has stated that the Author was unknown.—Ed.

[Semple 133]