SONGS

THE LASSIE O MERRY AUCHTEEN.

MY faither wad hae me tae marry the miller,
My mither wad hae me tae marry the laird,
But brawly I ken it's the luve o the siller,
That brichtens their fancy tae ony regaird.
The miller is cruikit, the miller is crabbit,
The laird, tho he's wealthy, he's lyart an lean ;
He's auld, an he's caul, an he's blin, an he's baul,
An he's no for a lassie o merry auchteen.


Addition to the above by Alexander Rodger :—

“But oh, there's a laddie wha tells me he loes me,
An' him I loe dearly, ay, dearly as life ;
Though faither and mither shoud scold and abuse me,
Nae ither shall ever get me for a wife.
Altho he can boast na o lan nor yet siller,
He's worthy tae match wi a duchess or queen ;
For his heart is sae warm, and sae stately his form,
And then, like mysel, he's just merry auchteen.”

[Semple 138]