Songs
MEG o the Glen set aff tae the fair,
Wi ruffles, an ribbons, an meikle prepare ;
Her heart it was heavy, her heid it was licht,
For a the lang way for a wooer she sicht.
She spak tae the lads, but the lads slippet by,
She spak tae the lassies, the lassies war shy ;
She thocht she micht dae, but she didna weel ken,
For nane seem'd tae care for puir Meg o the Glen.
Addition to the above fragment by Alexander Rodger :—
“But wat ye what was't made the lads a gae by?
An wat ye what was't made the lasses sae shy ?
Puir Meg o the Glen had nae tocher ava,
An, therefore, coud neither be bonnie nor braw
But an uncle wha lang in the Indies had been,
Foreseeing death coming tae close his auld e'en,
Made his will, left her heiress o thousand punds ten,—
Now, wha is mair thocht o than Meg o the Glen."
[Semple 140]